Hiru oñatiar eta bi bergararrek jokatu zituzten asteburuko lehenengo mailako lau t'erdiko kanporaketak. Bostetik lauk lortu zuten sailkapena zapatuan eta domekan Oñatin jokatutako kanporaketetan. Partaideak hiruko bederatzi taldetan banatu zituzten, bakoitzak bi partidu jokatu zituelarik.
Zapatuan, B taldean jokatu zuen Maddi Barrokal bergararrak, Naroa Iturain eta Maite Tolosaren aurka. Bi partiduak galdutam ez zuen sailkatzea lortu. Egun berean lehiatu ziren Maddalen Etxegarai eta Mireia Mugarza oñatiarrak F taldean, Carlota Albasekin batera. Kasu honetan, Albas kanpoan geratu zen bi oñatiarrak sailkatuz. Azkenik, domekan, I taldean jokatu zuten bi debagoiendarrek ere sailkatzea lortu zuten. Bergarako Uxue Zubizarreta eta Oñatiko Uxue Oses lehiatu ziren I taldean, Onintza Egaña sestoarrarekin batera.
Debagoiendarren emaitzak:
B taldea
Naroa Iturain - Maite Tolosa: 18-08
Naroa Iturain - Maddi Barrokal: 18-06
Maite Tolosa - Maddi Barrokal: 18-02
F taldea
Carlota Albas - Mireia Mugarza 11-18
Carlota Albas - Maddalen Etxegarai 06-18
Maddalen Etxegarai - Mireia Mugarza 18-12
I taldea
Uxue Zubizarreta - Uxue Oses: 18-11
Uxue Zubizarreta - Onintza Egaña: 18-6
Uxue Oses - Onintza Egaña: 18-6
Oñatiko kanporaketen ostean sailkatu diren pilotariak dira, hurrenez hurren:
- A taldean, ARAITZ EIZAGIRRE (ZESTOA) eta AINHOA BERRUETE (UHARTE)
- B taldean, NAROA ITURAIN (IRUÑEA) eta MAITE TOLOSA (AMEZKETA)
- D taldean, NAGORE ARAMENDI (AZPEITIA) eta MADDI UNANUE (AZPEITIA)
- E taldean, NAROA AGIRRE (ZESTOA) eta NAROA ELIZALDE (ZUBIETA)
- F taldean, MADDALEN ETXEGARAI (OÑATI) eta MIREIA MUGARZA (OÑATI)
- G taldean, OHIANE ORBEGOZO (AZPEITIA) eta MAIALEN GANZARAIN (LIZARTZA)
- H taldean, MARIA APALATEGI (IKAZTEGIETA) OHIANE UNANUE (ORDIZIA)
- I taldean, UXUE OSES (OÑATI) eta UXUE ZUBIZARRETA (BERGARA)
- J taldean, MAITE IRIARTE (AZPEITIA) eta ENERITZ ARRIETA (AZKOITIA)
Bestalde, azaroaren 1ean, eguaztena, Anoetan Elite mailako kanporaketak jokatuko dira. Debagoiendar bakarra egongo da bertan, Arrate Bergara. 11:00etan jokatuko du B taldean.