Azken lau partiduak irabazita bolada onean sartuta dabil Leintz Arizmendi. Zapatuan, Pauldarrak taldeak Barakaldon hartu zuen Esti Loitik eta Andoni Ezkurrak zuzendutako taldea, eta Leintz bailarakoak nagusi izan ziren (1-3). Eguaztenean dute hurrengo partidua, eta liderra, Tolosa hartuko dute etxean (17:00).
Lehenengo zatian dagoeneko aurretik jarri ziren Lore Etxeandiak eta Ane Arregik egindako golei esker zapatuan, eta atsedenaldiaren ostean, Etxeandiak borobildu zuen emaitza bigarren gola sartuta.
Etzi, eguaztena, lider dagoen Tolosa hartuko du etxean. 17:00etan da partidua, Mojategin, eta zaleen berotasuna eskertuko dute oraindik partidurik galdu ez duen taldea mendean hartu ahal izateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.