Txistu hotsez bete dira Eskoriatzako kaleak, Leintz bailarako Txistulariaen Egunean

Leintz bailarako Txistularien Eguna ospatu dute gaur Eskoriatzan. Eguraldiak errespetatuta, goizeko kalejira, zein, Fernando Eskoriatza plazan eskaini duten emanaldia arrakastatsua izan da.

Goizean goiz, euria sendo egin die entsegu momentuan, baina herri guztitik zehar egin duten kalejiran ateri egin die. Hala, 11:00ak arte herriko kaleak zeharkatu dituzte egunerako batu diren txistulariek.

Kalejiraren ostean, indarrak hartzeko, luntxa izan dute Hotela tabernan, eta 13:30etan, berriz, kontzertua eskaini dute plazan. Egunari amaiera emateko, berriz, bazkaltzera joan dira egunerako batu diren txistulariak.

Egun arrakastatsua

Guztira, 50 txistulari inguru batu dira, eta Leintz bailarako Txistularien Eguna izan arren, beste hainbat tokitatik ere gerturatu zaizkie hainbat musikari. Hala azaldu du Jota Arrieta txistulariak: "Bailarako Txistularien Eguna izan arren, Gasteiztik ere etorri zaizkigu hainbat, baita Soraluzetik ere. Gainerakoak, Eskoriatza, Aretxabaleta, Leintz Gatzaga, Arrasate eta Oñatikoak batu gara. Goiz ederra pasa dugu, eta plazako emanaldiara ere etorri dira herritarrak kontzertua ikustera…".

Erlazionatuak

Leintz bailarako Txistulariaen Eguna argazkitan

Eskoriatza

Eskoriatzan batu diren txistulariek elkarren konpainian, egun eder bat pasatu dute, eta batez ere, kalera aterata, txistua bizirik dirauela erakuts...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.