'Handia' filma Oñatin eta Arrasaten ikusgai

Gaur, egubakoitza, estreinatuko dute zinema komertzialetan Aitor Arregik eta Jon Garañok zuzendu duten Handia filma.

Oñatin sei emanaldi eskainiko dituzte: gaur, egubakoitza, 22:30ean; zapatuan eta domekan, 19:30etan eta 22:30ean; eta astelehenean, 19:30ean. Zapatu gaueko emanaldian filmeko zuzendari Aitor Arregi eta Joseba Usandizaga aktorea izango dira, eta domeka gauekoan, Arregi.

Arrasaten lau alditan eskainiko dute: gaur, 20:00ean; domekan, 19:30ean eta astelehen eta martitzenean, 20:30ean. Oñatin moduan, Amaia antzokiko zinema aretoan ere filmeko zuzendari oñatiarra eta Mariasun Pagoaga Arrasateko aktorea izango dira – Joseba Usandizaga ere etortzekoa zen baina azken orduko aldaketa dela-eta ez da Amaia antzokian izango domekan-. Filmaren aurretik aurkezpen txiki bat egingo dute eta solasaldia gero, Goienako kazetari Imanol Gallegok gidatuta. Emanaldi guztiak jatorrizko bertsioan izango dira (euskaraz eta gaztelaniaz) eta euskarazko zatiak azpitituluak edukiko dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.