CNAk astelehenera arte luzatu du lan-erregulazioko plana

Imanol Gallego 2017ko urr. 13a, 15:30
Garagartzako lantegia.

145 langile kaleratzeko eta Garagartzako lantegia ixteko asmoarekin jarraitzen du zuzendaritzak. Eta hasieran epea gaur bukatzen zen arren, Basauriko San Fausto jaiak medio, astelehena arte luzatzea erabaki dute zuzendaritzako kideek.

Edesa Industrialen lan-erregulazioko espedientearen kontsulta epea astelehenean amaituko da. CNA taldeak Garagartzako lantegia itxi, eta Eskoriatzan eta Basaurin ekoizten jarraitzeko azaldu zuen. Urriaren 3an egindako azken bileran, zuzendaritzak, 160 langile espedientetik ateratzea proposatu zuen, baina enpresa-batzordeko ordezkariak aurka azaldu ziren.

Bilera horretan, sindikatuek proiektua "aurrera ateratzeko inbertitzaile posibleen zain" zeudela azaldu zuten. Langileak aldiz, kontsulta epea eteteko eskatu zuten bileran.

Orain arte jakitera emandakoaren arabera, Fagor CNAko zuzendaritzak astelehenean emango du ezagutzera kaleratuen eta lanean jarraituko dutenen zerrenda. Gauzak horrela, kaleratzeak urriaren 27an gauzatuko omen dira.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak