goiena.eus

Tafallatik korrika etorriko den Abadek kooperatiben arteko lasterketarekin bat egingo du

  Gizartea  Debagoiena
Urriaren 22an, domeka, egingo du Mundukidek III. lasterketa solidarioa Urkuluko urtegian. Nobedadez beteta dator aurtengoa. Batetik, Riki Abad nafarra korrika etorriko da Tafallatik Urkulura horrekin bat egiteko, eta bestetik, korrika ez ezik, nordic walking modalitatea ere egongo da, baita oinez egiteko aukera ere.
Tafallatik korrika etorriko den Abadek kooperatiben arteko lasterketarekin bat egingo du
Mundukideko eta Gernako hainbat kide Riki Abad korrikalariarekin. | Ikusi handiago | Argazki originala

Mundukideren lana gizarteratzea eta proiektua aurrera eramateko babesa lortzea da orain dela hiru urte abian jarritako lasterketa solidarioaren helburua, "kooperatiben izaeraren ezaugarri gisa, talde lanaren balioa agerian jarriz", diote. Lehenengo bi lasterketak uztailean egin izan dira, eta aurtengoa udazkenera aldatu dute, urriaren 22ra hain zuzen ere. 

Zazpi kilometroko ibilbidea du Urkuluko urtegiak, eta aurten ere lasterka emango diote horri buelta kooperatibetako langileek osatutako hiruko taldeek. 11:00etan abiatuko dira horiek. 

Aurten, baina, lasterka ez dutenek egin gura nordic walking modalitatea izango dute. Eta oinez egiteko aukera ere izango da. Bi modalitate horietako kirolariek 10:30ean irtengo dute. Hemen modalitate bakoitzaren gaineko informazioa

Izena emateko epea domekan, urriaren 15ean bukatuko da.

Riki Abad Tafallatik Urkulura

Mundukiderentzat eta Gerna elkartearentzat (Nafarroako gaixotasun arraroen elkartea) dirua batzeko elkartasun erronka jarri dute abian Mundukidek, GERNAk eta Fagor Ederlan Taldeak (Tafallako lantokia). Hori horrela, Riki Abad nafarra korrika etorriko da Tafallatik Urkuluraino (145 kilometro) lasterketan parte hartzeko eta bizikletan itzuliko da. Haren asmoa da bidean Nafarroako kooperatiba industrial guztiak bisitatzea. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa