Kataluniaren errepublika aldarrikapenari babesa adierazteko, gaur herriz herri 19:00tan elkarretaratzeak antolatzeko deia egin du Ascatasunera taldeak. Arrasaten 19:30ean elkartuko dira. Kataluniako independentzia prozesuarekin elkartasunez bildutako herritar taldea da Ascatasunera.
Carles Puigdemontek, Kataluniako presidenteak, gaur 18:00etan Kataluniaren independentzia aldarrikatuko du parlamentuan.
Kaixo Errepublika! eta Respectem -errespetatu dezagun-, diote elkarretaratze deialdiko kartelek. Arrasateko, Bergarako eta Aretxabaletako EH Bilduk eta Arrasateko Sortuk bat egin dute elkarretaratze deialdiarekin. Bergaran eta Aretxabaletan herriko plazan elkartuko dira 19:00etan eta Arrasaten 19:30ean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
