Txomin de Vega Izaguirre elgetarrak garaipena lortu zuen Galdakaon Master 30 kategorian, 3:28.73 denborarekin. Lehenengo jaitsieran denbora onena egiteko lortu zuen, bigarrenari denbora dezente aterata. Bigarren aldian jausi egin zen, hala ere bigarren postuari eustea lortu zuen.
Manuel Castro Martin, Master 40 kategorian lehiatu zen eta hirugarren postua lortu zuen 4:19.96 denborarekin, lehenengotik 30.12ra.
Antzuolar gazteak oso ondo
Kadete mailan bigarren postuan amaitu zuen Jon Fernandez Altzelaik 4:07.74 denborarekin. Junior mailan bestalde, Unai Larrea Castrok bigarren postua eskuratu zuen 3:42.34 eginez. Lehenengo postutik oso hurbil geratu zen, Miguel Torres irabazlean 0.53 atera zion soilik.
Domekan lortutako emaitzekin openeko lider jarraitzen dute Txomin de Vegak eta Jon Fernandezek. Unai Larrea bigarren postuan dago eta Manuel Castro laugarren postuan. Hurrengo lasterketa urriaren 21ean izango da, Gorlizen.