Emakume gasteiztar bat erail dute Lantaronen (Araba). Haren senarrak hilketa aitortu du -banantzeko prozesuan zeuden-. Emakumeen Mundu Martxak, ohiko protokoloa aktibatuz, elkarretaratzeak egingo ditu gaur.
Mugimendu feministak gertaera honen aurrean erabateko gaitzespena adierazi du, eta herritar guztiei deia egin die gaurko elkarretaratzetan parte hartzeko. Bost egunetan, genero indarkeriak hildako bigarren euskal herritarra da; eta urteko zortzigarrena. Egoeraren larritasunaren aurrean, gaurko elkarretaratzera kandelak eramatera animatu dituzte herritarrak, Arrasateko Emakumeen Mundu Martxako Plataformatik: "Elkarrekin indarrez batzen gaituen su handia sinbolizatzeko".
Gaurko elkarretaratzeen hitzorduak
- Arrasate: 19:00etan herriko plazan.
- Bergara: 19:00etan San Martin plazan.
- Oñati: 18:30ean herriko plazan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
