Gorka Urbizu eta Izaro aurrez aurre 'Topaketalk' jardunaldietan gaur Oñatin

Topaketalk jardunaldiak antolatu ditu Mondragon Linguak eta esparru ezberdinetako bi aurpegi ezagun izango dira aurrez aurre horietan. Gaur, urriak 5, Gorka Urbizu musikariak eta Izaro Andres bakarlariak Rockomunikazioa ekitaldian hartuko dute parte Oñatiko kultur etxean (19:00).

Euskaraz jardungo dute aurrez aurre, Berri Txarrak taldeko kideak eta Mallabiko abeslariak. Bukaeran, bakoitzak beste artistak sortutako abesti bat joko du gitarra akustikoarekin.

Urriaren 17an kirola berbetarako gai

Urriaren 17an, ostera, kirolaren bueltan jarduten duten bi lagun elkartuko ditu Mondragon Linguak. Alberto Iñurrategi mendizale aretxabaletarrak eta Xabier Leibar medikuak Mount Hizkuntza ekitaldian hartuko dute parte Arrasateko Kulturaten (19:00). Mendia, eliteko kirola, prestaketa eta beste hainbat gai landuko dituzte aurrez aurreko solasaldian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.