Gipuzkoako Foru Aldundiaren eta Lankuren arteko Adin adin egitasmoak laugarren urtez izango du segida. Sorrerako helburuari eutsiko dio, alegia, bertsoaren bidez adineko pertsonen gaitasuna sustatzea, egoitzetan bizi diren adinekoen bizi kalitatea hobetuz eta gaitasun psiko-emozionalak landuz. Hala, aurten 14 saio egingo dira azaroaren amaiera arte Gipuzkoako hainbat herritan, eta lehenengoa bihar egingo da Lazkaoko Txindoki egoitzan.
Metodologia bereziarekin lantzen dira bertso saio hauek. Aurrez zahar etxeetako dinamizatzaile eta animatzaileek lanketa berezi bat egiten dute bertso zahar eta kantu herrikoien inguruan egoiliarrekin, horrela bertsolariak doazenerako parte-hartzea aktibatzeko.
'Adin adin' egitasmoa Debagoienean
-
Bergara: Urriak 26, eguena. Mizpirualde egoitzan, 17:00etan.
- Arrasate: Azaroak 9, eguena. Iturbide egoitzan, 17:00etan.
