Victoria Eugenia antzokia euskal zinemaren etxe bihurtu da gaur. Gure zinemaren egun handiak industria honen izen, aurpegi eta ikusle ugari batu ditu. Galan, Elkarrekin-Together dokumentala estreinatzeaz gain, Zinemira saria ere man diote Julia Juaniz muntatzaile eta errealizadore nafarrari.
Juanizek bere hitzaldian, sariagatik eskerrak eman eta gero, espero ez zuen saria dela argitu du, eta muntatzaileen lana aldarrikatzeko bailo duen aitortza dela azaldu du. Bere diskurtsoaren bukaeran ikus-entzunezkoen lengoaia ikastetxeetan irakastearen beharra ere azpimarratu du.
Darinen bigarren etxea
Ricardo Darinek esker oneko hitzak izan ditu Donostia eta Zinemaldiarendako bere hitzaldian. Argentinarrak azaldu duenez, hemen etxean bezala sentitu da beti, eta Donostia Saria jaso duen lehen hegoamerikarra denez, sari hau jasotzea espero ez zuela gaineratu du.
Eskertzen eta eskaintzen unean, bere ibilbide luzean izandako lankideak izan ditu gogoan. Zerrenda luzeegia izan da, Darini ama aipatzea ahaztu baitzaio, eta mikrofono aurrera itzuli behar izan da bere amari hitz batzuk eskaintzeko.