Lepo bete da Arantzazuko santutegia Iñaki Beristain frantziskotarrari azken agurra emateko. Parking ezberdinetan ez da egon auto gehiagorendako tokirik, eta basilika ere goraino bete da meza entzuteko.
Arantzazura gerturatu dira besteak beste Iñigo Urkullu lehendakaria eta Arantxa Tapia eta Bingen Zupiria sailburuak; Imanol Lasa Gipuzkoako Foru Aldundiko bozeramailea edota Mikel Biain Oñatiko alkatea. Politika munduko beste hainbat kide ere hurbildu dira: Joseba Egibar, Andoni Ortuzar, Jonan Fernandez, Juan Mari Atutxa...
Baita kultur eta kirol munduko hainbat lagun ere, tartean, Xabier Euzkitze, Sebastian Lizaso bertsolaria, Josean Tolosa pilotari ohia, Mikel Aranburu Realeko jokalari ohia, Gontzal Mendibil...
