Apenas sorpresarik izan ez duen irekiera galan, Igartiburuk, emakumeek zinemaren historian izan duten presentzia eta ikusgarritasun urria saltatu du.
Aurkezlea eta gero, Sail Ofiziala estreinatzen duen Submergence filmaren txanda iritsi da. Win Wenders zinemagilearen azken lan honek ez du kritika onik jaso, baina zuzendari alemaniarrak, eta pelikularen protagonista den Alicia Vikanderrek, txalo zaparrada ederra jaso dute.
Saria Aki Kaurismakiri
Nazioarteko kritikak ematen duen Fipresci saria jaso du bigarren urtez Aki Kaurismakik. Aurten, zinemagile finlandiarrak, errefuxiatuei Europan ematen zaien harrera jorratzen duen Toivon toulla puolen filmarengatik jaso du saria. Bere diskurtsoan, Europak errefuxatuen auziari "bizkarra eman" diola salatu du.
Lehen egunean ere, Gehitu elkarteak Sebastiane Latino saria eman dio Una mujer fantástica filmari.
