Aretxabaletako eta Eskoriatzako jeltzaleek antolatutako Konferentzia Irekiak Leintz bailaran egitasmoaren baitan Eusko Jaurlaritzako Ekonomia eta Ogasun sailburu izandako Pedro Luis Uriarteren hitzaldia izango da gaur, irailak 19, mojen komentuan (19:00). Gure kontzertu ekonomikoa… eta gure komunitatea izenarekin ekonomiaren gainean jardungo du.
Euskadiko Kontzertu ekonomikoaren gaineko hiru libururen egilea da Uriarte, Comunidad del Concierto–Gurea Kontzertua deituriko hiritarren hausnarketarako atariaren sortzailea eta Innobasqueko lehen lehendakaria.
Antolatzaileek adierazi dute bere ibilbidetik abiatuta bizipenak eta hausnarketak partekatuko dituela.
Leintz Bailarako jeltzaleek antolatutako hirugarren hitzaldia izango da gaurkoa, eta edonorendako izango dituztela ateak zabalik adierazi dute: "Ekonomiaren ikuspegia eta Uriarteren bizipenak gertutik ezagutu nahi duten herritarrendako zein enpresendako interesgarria izango da".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
