Malen Ruiz de Azua, Istar Dapena eta Eneko Carrascal Europako txapelketan izan ziren uztailean. Ez dira Mojategiko harrobiak emandako puntako atleta bakarrak, hor daudelako Iñigo Uribarren edota Iruñean bizi den Maialen Axpe, baina aurrekoetan oinarritutako HRMT saioa da eguaztenean Goiena Telebistan ikusi ahal izango dena. Mojategin egindako entrenamendu saio bat, Ermuan egindako erakustaldia, eta Polonian jokatutako Europako Txapelketa –Goiena telebistako kamera eraman zuten Istar Dapenak eta Ruiz de Azuak Poloniara– izango dira erreportajeak erakutsiko dituen hiru eskenatokiak.
