Gure Esku Dago ekimenak deituta, manifestazio jendetsua egin da gaur Bilbon, Kataluniako herriari eta urriaren 1eko erreferendumari elkartasuna eta babes mezua zabaltzeko, "era baketsuan, alaian eta lasaian". Mobilizazioan parte hartu dute Euskal Herriko eragile sozial politiko eta sindikaletako ordezkari ugarik ere, eta tartean hainbat debagoiendar izan dira.
Euskal Herriak bere bide propioa landu behar duela nabarmendu dute: "Bideak bide, guk ere gure buruaren jabe izan nahi dugu. Ez gara hutsetik abiatzen, baina oraindik lan asko dago egiteko. Guztion konpromisoarekin, borondateak ehunduz, erabakiaren bidean sakonduz, bestelako etorkizun bat irudikatuz, auzolanean, elkarrekin amestuz. Ez dira begira egoteko garaiak, lanerako eta sormenerako garaiak baizik".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.