Zapatuan txirrindulari koadrila polita batuko da Oñatiko Unibertsitateko hiribidean (10:00). Ziklistek 90 kilometro gogor izango dituzte aurretik, mendate nabarmenik ez badute ere, gorabehera handiko lasterketa izango delako. Ziklistak Eskoriatzako Aingeru Guardaraino (10:30) joango dira lehenengo, eta Oñatitik pasa ostean Udana igo (11:15) eta zain izango dituzte Aztiriako gaina, Lierniko gaina, eta Atagoitiko (11:50) gaina, ondoren Udanatik berriro ere Oñatira (12:30) itzultzeko. Debagoieneko ordezkarien artean etxeko Julen Umerez (Ampo), Xabier Murgiondo (Ampo) eta Ekaitz Txintxurreta (Debabarrena) irteera puntuan izango dira.
Amateur mailako txirrindulariak denboraldi amaieraren aurrean daude, eta urtea txukuntzeko, edo erabat borobiltzeko, azken aukerak geratzen zaizkie. Hala, bi aukera dituzte asteburuan, zapatuan Oñatin eta domekan Zaldibian.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak