Jarduera industriala Euskal Herrian mantendu gura du Edesak

Edesak Garagartzan dituen azpiegiturak.

"Jarduera mantentzea posible egiten duten aukerak" badaudela uste du Edesa Industrialek, baina "logikoki alde guztien ahalegina" beharrezkoa da. "Edesa Industrial SL-k jarduera industriala Euskal Herrian mantendu gura du, eta markaren iraunkortasuna bermatu". Horixe azpimarratu dute enpresatik, langileekin gaur egindako batzarraren harira.

Prentsa ohar bidez langileen ordezkariek jakinarazitakoa berretsi dute: plan industrialaren baitan "alternatibak" aztertzea adostu dutela eta datorren astean batzartuko direla atzera ere.

Edesako hiru ordezkarik parte hartu dute langileekin izandako batzar horretan: gerenteak, zuzendari industrialak eta pertsonaleko buruak. Eta haiekin batera izan dira Lener aholkularitzako ordezkariak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.