Urriaren 22an, domeka, kooperatiben arteko Mundukide lasterketa solidarioa egingo da. Hala, urriaren 17an aldarrikatzen den Pobreziaren aurkako nazioarteko egunarekin bat egingo du lasterketak. Kros solidarioa lehenengoz 2015ean egin zen, Aretxabaletako Urkuluko urtegiaren inguruan. Aurten hirugarren aldiz egingo da lasterketa, kooperatibentzako urteroko hitzordua bilakatu delarik.
Korrika, oinez edo nordic walking modalitatean
Mundukidetik jakinarazi dutenez, lasterketa egunean, animatzera joaten den jendearen ohiko komentarioa izan ohi da denek ezin dutela lasterketan parte hartu. Horri erantzuna emateko helburuarekin, aurten parte hartzeko bi aukera berri gehitu dituzte. Taldeen arteko lasterketa egiteaz gain, kooperatibetako langileek oinez edo nordic walking modalitatean parte hartu ahalko dute. Bi modalitate berri hauek ez dira lehiakorrak izango eta publiko guztiarentzat izango da.
Izen ematea
Urriaren 15a baino lehen eman beharko da izena eta pertsonako 15 euro ordaindu beharko da parte hartzeko.
Informazio gehiago Mundukideren webgunean.
