Hilabete hau borobila izan da Andoni Gorosabel (Arrasate, 1996) jokalari gaztearendako. Azken denboraldia Real Unionen utzita egon eta gero Realaren deia jaso du Sansera itzultzeko. Horrekin batera, talde txuri-urdinarekin zuen kontratua luzatu egin du, eta Eusebiok Holandara eraman du, lehenengo taldearekin denboraldiaurrea egitera.
Realeko entrenatzaile Eusebiok bertatik bertara jarraitu gura du Andoni Gorosabel, eta talde txuri-urdina Holandan egiten dabilen prestakuntzan parte hartzen dabil jokalari arrasatearra. Real Unionen utzita egon den urtean ondo aprobetxatu du denbora –29 partidu jokatu ditu, eta gol bat egin du Bigarren B mailan– eta klubak Sansen jokatzeko eskaintza egin dio, eta horrekin batera, kontratua 2019ko ekainera arte arte luzatu du Gorosabelek.
Duela hilabete sinatu zuen Gorosabelek –Lorenekin argazkian– kontratu berria. Argazkia: www.realsociedad.com
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak