"Erabat arbuiatzen dugu atzo zuzendaritzak hartu zuen erabakia, ez datorrelako bat eurekin izandako batzarrean adostu genuenarekin (…) Enpresak gaur eman digun idazkiak berretsi egiten du atzo adostutakoa: 30 langileen lan etetearen EREa erretiratu egingo dutela eta mahai bat eratuko dela Fagor CNArendako proiektu bat sortzeko", adierazi dute Langile Batzordetik.
Edesa Industrial eta Geyser-Gastech-eko Langile Batzordeak gaur goizeko batzarraren ostean bidali dute jakinarazpen hori.
Gaineratu dute sortu gura duten Fagor-CNArendako proiektu berria "lanpostuetan eta etorkizunean" oinarrituta egon beharko dela, eta hori lantzeko eratu behar den mahai horretan, Eusko Jaurlaritza eta Fagor S. Coop. egon behar direla, euren ustez; "350 lagunendako proiektua defendatuko dugu. Ulertzen dugu hori posible dela".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
