San Martzialgo maldetan kronoigoera, egubakoitzean

Ane Santesteban, Emakumeen Biran.

Emakumezkoen Euskalduna Torneo Barruan egingo dute egubakoitzean San Martzialgo lehenengo igoera. Ziklistek 18:30ean hasiko dute kronoigoera, batezbeste %12ko malda eta ia kilometro eta erdi duen igoera izango dute aurrean.

Ez da luzea, 1.300 metro ditu. Baina, distantzia horretan 155 metrotako desnibela igotzen da, eta puntu batzuetan %20ko pendiza du errepideak. Domekan bergarar askok egingo dute behetik gorako bidea, erromerian. Egubakoitzean, baina, ziklisten txanda izango da.

Euskaldun Torneo barruan 

Egubakoitza, hilak 30, 18:30ean Euskaldun Torneoko ziklista onenak batuko dira Bergaran: "Ziklista kopuru polita datorrela adierazi digute federaziotik, 70etik gora. Kadete, gazte maila eta elite eta 23 urtez azpiko kategoriakoak izango dira eta poztu egin gara hori entzundakoan, kronoigoera izanda bazegoelako espezialistak bakarrik etortzeko arriskua", adierazi du Lokatzako presidente Jon Unamunok.   

Irteera puntua Aspaceko egoitza ondoan egongo da, eta hortik gora ziklistek 6-8 minututako lana izango dute –kategoriaren arabera–: "Kadete mailakoendako, bai, gogortxoa da, baina esperientzia polita izango da eurendako. Lasterketa aurretik arrabolan ibili, ondo berotu, erropaz aldatu eta kronoigoera egin. Eta, ikusleendako ere oso lasterketa aproposa da, herrigunetik 10-15 minutura leku aproposak daudelako igoera ikusteko". Hala, ziklismo zaleek bertatik bertara ikusi ahal izango dute Eider Merino (Lointek Team) edota Lorena Llamas (Bizkaia Durango) moduko igotzaileek egin dezaketen lana.

Denborak, Stravan 

Zikloturisten artean igoeretan egiten den denbora neurtzeko dagoen zaletasunaren aurrean, antolatzaileek Strava aplikazioan 'San martzial-lamaño' izenburuaz igoera erregistratuta utzi dute. Eta bestalde, Txapa irratian igoeraren kontakizuna egingo dute, zuzenean (97.20 FM).

Irteera orduak, eta parte-hartzaileen zerrenda:

 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.