Denboraldian egindako lanari azken partiduko saria falta izan zaio, Lauko finala irabaztea, alegia. Eguerdian Eskoriatzakoek Intxaurtxuetan jokatu duten norgehiagokan lehenengo bi laurdenetan indarrak pare-parean egon dira, baina partiduko bigarren zatian kanpotarrak gehiago izan dira.
Bilintx izan da emakumezkoen senior mailako Lauko Finaleko irabazlea. Atzoko kanporaketan 37-40 hartu zuten mendean Goierriko taldea, eta gaurko finalera sailkatuta, Eskoriatzaren kontrako finalean azken bi laurdenetan hobeto jokatuta lortu dute saria. Eskoriatzarrek ez dute azken saria jaso, baina finala jokatu izana, etxeko zaleen aurrean, gauza handia izan da. Harmailetan lagun asko batu dira jokalari eskoriatzarrak animatzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.