SEPEk hilero argitaratzen dituen datuen
arabera, behera egin du orokorrean langabeziak Debagoienean. Eskualdeko langabezia tasa orokorra %9,36an kokatu da eta urteko lehen hiruhilekoan beheranzko joera ahula erakusten du, hilero zerbait jaisten baina joera nabarmenik hartu gabe.
Herrika ematen diren datuei begiratuz gero, Bergaran ia puntu erdiko jaitsiera izan du, azken hilean gehien jaitsi den herria izanez. Leintz-Gatzaga da berriz gehien igo den herria, puntu bat gora egin duelako. Lehen hiruhileko datuak kontutan hartuta berriz, herri guztietan zerbait jaitsi da Leintz-Gatzagan ezik.