Munduko hainbat unibertsitateren balorazioa egin ostean, U-Multirank mundu mailako rankinga kaleratu dute; Mondragon Unibertsitateak bikain kalifikazioa erdietsi du irakaskuntzan, ikerketan, ezagutzaren transferentzian, nazioarteko orientazioan eta eskualdearekiko loturan.
Aurtengoa, bere laugarren edizioa du U-Multirankek; 99 herrialdetako 3.280 fakultateren balorazioa eskaini du. Mondragon Unibertsitateari dagokionean, besteak beste, irakaskuntza zentroak argitaraturiko ikerketa edukien kalitatea, atzerriko unibertsitateekin elkarlanean kaleraturiko nazioarteko argitalpenak eta eskualdeko finantzazio iturri ezberdinetatik lortutako diru-sarrerak azpimarratu ditu rankingak.
Mondragon Unibertsitateak U-Multirank rankingaren garrantzia azpimarratu du: “Nazioarte mailan, unibertsitateen errendimendua konparatzeko erraminta ezin hobea da, irakaskuntza zentroen baloraziorako sistema osatuena baitu”.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
