Ibarreko 'ukitua' du Euskadi Basque Country Murias taldeak

Xabier Urtzelai 2017ko urt. 24a, 16:23
Asteleheneko aurkezpeneko une bat. www.murias-taldea.com

Atzo aurkeztu zuten Bilbon Euskadi Basque Country Murias taldea. Ziklismo taldeak hirugarren urtea egingo du errepidean, hazteko helburu garbiarekin –Continental mailatik Continental Pro mailara pasa gura dute 2018an–. Bada, taldeak ukitu debagoiendarra du, zuzendaritik hasi eta masajistarenganaino.

Jakinekoa da Jon Odriozola oñatiarra dela taldeko zuzendaria, hori ez da berria, baina taldean beste lau debagoiendar izango dira, horietako hirurak bergararrak. Izan ere, taldean hasieratik dagoen Eneko Lizarralderekin batera Julen Irizar ere taldera batu da 2017ra begira –Ampotik dator–. Eta eurekin batera, amateur mailan ziklista izatea zer den ondo dakien eta aspaldian bizikleta mendian korrika egiteko zapatilengatik aldatu dituen Jon Rivero izango da taldeko masajistetako bat. Laugarren laguna, berriz, aretxabaletarra, eta aurreko urteotan ere Muriasen izan da. Eneko Garai da, taldeko mekanikoa.

Eneko Lizarralde, Jon Rivero eta Julen Irizar, astelehenean aurkezpenean. Argazkia: Angel Ezkurra.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak