Euskal enpresek gaizki ikusten dute Trumpen garaipena, baina eragingo ez diela uste dute

Laboral Kutxak Euskadiko enpresaburuen konfiantza neurtu du inkesta baten bidez. Bertan, ekonomiaz gaindikoak diren baina bertan eragina duten gaien inguruko galderak ere egin ditu. Tartean, AEBetako hauteskundeak Donald Trumpek irabazi izanaz bi galdera egin dizkie enpresei.

Donald Trumpen garaipenak euskal ekonomian nolako eragina izango duen galderari, inkestatuen %81,1ek esan dute eragin negatiboa izango duela, eta %18,9k kontrako iritzia agertu dute.

 

Baina panela osatzen duten enpresak baikorragoak dira Donald Trumpen garaipenak euren negozioan izango duen eragina adieraztean; izan ere, %3,4k soilik uste dute eragin handia izango dela; %39,3k, ordea, ez dute inolako eragin negatiborik espero.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.