Manolo Zubillaga: "Lan garrantzitsua da, gazteek ikus dezaten Aretxabaletan zelako lasterketak antolatzen ziren"

Aretxabaletako ziklo-krosaren urrezko garaiko dokumentala erakutsi zuten atzo Arkupen, eta bertaratutakoek gustora ikusi zuten mimoz egindako 40 minutuko lana –hurrengo emanaldiak 21ean eta 26an–. Orduko lasterketak ez dira ostera ere itzuliko, baina sasoi hartan bizi izandakoa dokumentalean jasotzea altxorra da.

Dokumentalean antolaketa taldeko Manolo Zubillaga, Jose Angel Arkauz edota Antziñe Mendia modukoen testigantzak orduko protagonistekin tartekatzen dituzte, bizikleta gainean ibili ziren Jose Maria Basualdo edo Iñaki Maiora ziklistak ere dokumentalean azaltzen dira-eta. Eta, orduko irudi eta erretratuekin osatuta, ikuslea 60ko hamarkadaren amaieratik hasi eta 1990era Aretxabaletan ziklo-krosa zer izan zen jabetuko da. Orduan egindako lanak, Aretxabaletako herriak antolatzaileei ematen zien babesa, Madrilen TVEko ordezkariekin zituzten harremanak, Frantzia edo Belgikara txapelketa handietako antolatzaileekin egotera egiten zituzten bidaiak, anekdotak... Horiek guztiak jasotzen ditu lanak, eta baita Munduko Txapelketa Aretxabaletara ekartzeko sufritu zituzten arazo edo azpijokoak ere, hori izan baitzen, seguruenik, urte horietako guztietako arantzarik handiena. 

Dokumentala erakutsi aurretik GOIENA Gorka Etxaberekin eta Gorka Montielekin izan zen –Artemaneko ordezkari eta dokumentalaren egileak–, eta baita Manolo Zubillaga eta Jose Maria Basualdorekin ere.

Dokumentala erakutsi ostean protagonistak taula gainera igo eta berbaldi baterako tartea hartu zuten, arratsaldea borobilduz.

Erlazionatuak

"Munduko onenak etortzen ziren Aretxabaletara"

Aretxabaleta

UDAren 70. urteurrena borobiltzeko, Aretxabaletak lokatz gaineko ziklismoarekin izan duen harreman estua erakusten duen dokumentala egin dute. ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.