Arizmendi-UDAk nagusitasunez hartu du mendean Mondra (5-0)

Jokin Bereziartua Lizarazu 2016ko aza. 20a, 13:37
Mondrako eta Arizmendi-UDAko bi jokalari baloira heltzeko lehian.

Derbi batek izan ohi dituen ezaugarriak izan zituen atzoko partiduak, batez ere hasieran. Tentsioa, arriskurik hartzerik nahi ez eta joko politik ere ez. Hala ere, Arizmendi-UDA nagusi izan zen hasieratik bukaera arte eta egun bat lehenago lesionatutako atezainaren hutsik ez zuten nabaritu. Amaieran, 5-0 etxekoendako.

20. minutuaren bueltan iritsi zen etxekoen lehen gola eta handik minutu pare batera heldu zen bigarrena. Atsedenaldira 3-0 joan ziren. Bigarren zatian, berriz, jokoak behera egin zuen. Mondra saiatu zen Arizmendi-UDAren atera iristen baina ez zuen arriskurik sortu. Eta kanpokoak gola egiten saiatzen ari zirela, Arizmendi-UDAk beste bi gol egin zituen. Golegileak izan ziren Lore Etxeandia eta Ane Vicente bina golekin eta Eider Altube. Hala, ligako lehen bueltako partidu guztiak irabazita bukatu du Arizmendi-UDAk eta sailkapen buruan dago bigarren dagoen Mutrikuri bederatzi puntu aterata.

Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak