'Ikimilikiliklik, JA Artzeren unibertsoa' erakusketa zabalik dago atzotik Gandiaga Topagunean

Atzoko, barikua, aurkezpeneko une bat.

Atzo iluntzean inauguratu zuten eta azaroaren 27ra arte egongo da ikusgai. San Telmo Museoak, EHUko Mikel Laboa Katedrak eta Morgancrea-k bultzatutako proiektua da. Joxean Artzek 40 urte baino gehiagotan garatutako lan poetikoan egiten den bidaia da erakusketa. 

JA Artze oso ezaguna da herritarren artean Mikel Laboaren abesti ikonikoengatik, esaterako, Txoria txori, Gure bazterrak edo Zaude lasai abestien letren egilea izateagatik; baita bere anaia Jexuxekin txalapartari gisa aritzeagatik ere. Baina JA Artzek obra sakona eta gutxi ezagutzen dena ezkutatzen du artearen hainbat esparrutan garatu duena: poema-liburuak, audio-grabazioak eta ikuskizun eszenikoak.

Ikimilikiliklik, JA Artzeren unibertsoa erakusketa, artistaren ikus-entzunezko sorkuntza da, ikusleak irudi, musika eta soinu-mundu batean murgilduta haren obra ezagutzeko sortutakoa, azken hmarkadetako euskal sortzaile original eta garrantzitsuenetako bat ezagutzera emateko helburuarekin.

Arantzazuko Gandiaga Topagunean dago ikusgai azaroaren 27ra arte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.