Trumpek eskertu egin du hauteskundeetan kontrario izan duen hautagai demokrata Clintonek "Ameriketako Estatu Batuen alde" egin duen lan "handia".
Herrikide guztiek izango dute aukera "gorenera" heltzeko, esan du eta gogoan izan ditu "gizon eta emakume ahaztuak". Horiek kontuan izango dituela hitz eman du. Bestetik, azpiegiturak berreraikiko dituztela eta herria berreraikiko dutela esan du, eta "milioika estatu batuar" jarriko dituztela zeregin horretan lanean. "Gure eskuetan dago guztia. Onena behar dugu. Ametsak behar ditugu, ausartak izan behar gara. Arrakasta bilatu behar dugu" esan du. Eta "hazkunde eta berrikuntza" sasoian murgilduko direla esan du: "Ekonomia indartsuena izango dugu".
Bestalde, munduko gainerako herrialdeekin ondo konponduko direla esan du, "gurekin ondo konpontzeko borondatea" dutenekin. "Mundu guztia, nazioarteko herrialde guztiak, ondo hartuko ditugu, elkarlana bultzatuko dugu" esan du.
Donald Trump: "Zatiketak eragin dituen zauriak sendatzeko eta batzeko unea da"
Garaipena eskuan, haren jarraitzaileen aurrean agertu da Donald Trump. Errepublikanoen eta Demokraten arteko "zatiketak eragin dituen zauriak sendatzeko eta batzeko" unea dela esan du eta "estatubatuar guztien presidente" izango dela hitz eman du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
