Euskadiren ekonomia %3 hazi da

Euskadiren Barne Produktu Gordina %3 hazi da azken 12 hilabeteotan, Eustatek emandako aurrerapen-datuaren arabera.

Urtaroko eta egutegiko ondorioak kendu ondoren kalkulatzen da datu hori, eta 2015eko hirugarren hiruhilekoko eta aurtengo epe bereko datuen aldea da. Aurreko hiruhilekoarekiko %0,60ko hazkundea izan du euskal ekonomiak.

Eskaintzaren arloan, zerbitzu-sektorearen bilakaera positiboan, batik bat, eta industriaren hazkunde erritmoari eustean oinarritu da 2016ko hirugarren hiruhileko urte arteko hazkundea.

Enpleguak, lanaldi osoko lanpostu baliokideetan neurtuta, %1,8ko urte arteko hazkundea izan du 2016ko hirugarren hiruhileko honetan. Hiruhileko arteko hazkundea, berriz, % 0,2koa izan da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.