Infisport proiektu arabarrak agur esan eta gero bazirudien bertako ziklista askok, gura ala ez, ziklismoa alde batera utzi beharko zutela. Alberto Contador fundazioak aditzera eman duenez, baina, talde horretako hiru txirrindularik –tartean dago Iker Eskibel eskoriatzarra– ziklismora lotuta jarraituko dute, eta baita orain arte zuzendari izan duten Gorka Belokik ere. Hala, eskoriatzarrak 23 urtez azpikoen taldean lehiatzen jarraitzeko aukera izango du: "Egutegi zorrotza izango dugu, lasterketa asko daude, eta taldeak lehiakorra izan gura du leku guztietan. Hala, egindako azken fitxaketek horretan lagunduko digute, eta noski, baita Gorka Belokik ere, kategoria honetan esperientzia handia duen gizona; izan dituen baliabideekin bere taldeak oso itxura polita erakutsi du", adierazi du taldeko manager Fran Contadorrek, Alberto Contadorren anaiak.
RH+/POLARTEC Under-23 Team
Hala, amateur mailako taldean jarraitzen dutenak dira: Miguel Angel Ballesteros, Joan Bou, Juan Camacho, Daniele Cantoni (Italia), Sergio Hernandez, Juan Pedro Lopez, Diego Pablo Sevilla eta Fran Perez. Eta, gizon hauekin indartu dute taldea: Isaac Cantón, Iker Eskibel, Harrison Jones (Britainia Handia), Jorge Pastor eta Daniel Viegas (Portugal).
