Urriaren 17an hasiko da gripearen aurkako kanpaina

Jokin Bereziartua Lizarazu 2016ko urr. 10a, 15:05
Adineko emakume bat txertoa hartzen, artxiboko irudi baten.

Osakidetzak jakitera eman du datorren astelehenean, urriak 17, jarriko dutela martxan 2016ko gripearen aurkako kanpaina. Debagoieneko ospitalean, Arrasateko anbulatorioan, astelehenetik egubakoitzera bitartean hartu ahalko da txertoa, txanda aldez aurretik hartuta. Kanpaina abenduaren 17an amaituko da. Informazio gehiagorako, hemen klikatu.

Debagoieneko ESIko Osabidetik gogora ekarri dutenez, txertoa hartu beharko dute 65 urtetik gorako guztiek, eta baita gaixotasun kronikoren bat duten 65 urtetik beherakoek ere: diabetesa, edo bihotzeko, biriketako, giltzurrunetako zein bestelako gaixotasunen bat dutenentzat. Haurdun dauden emakumeek ere hartu beharko dute.

Txertoa hartzeko leku eta orduak

-Arrasateko anbulatorioan, astelehenetik egubakoitzera, aurretik txanda hartuta.

-Arrasateko zaharren egoitzetan egun hauetan, 12:00etatik 13:00etara:

  • Urriak 19 (eguaztena): San Andres Etxaluze eraikina
  • Urriak 20 (eguena): Santa Marina
  • Urriak 21 (egubakoitza): Uribarri
  • Urriak 24 (astelehena): Musakola

-Etxean dauden ezinduak euren medikuarekin edo erizainarekin harremanetan jar daitezke txertoa etxean hartzeko.

Bestalde, Aramaion, txertoa hartu behar duten herritarrak kontsultategira joan ahalko dira astelehenetik egubakoitzera, 09:00etatik 13:00etara.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak