Urriaren 3an, Goienagusi elkarteak, 2016/2017ko ikasturtearen hasiera ofiziala ospatuko du.
Ekitaldia, Arrasateko Etxaluze erretiratuen etxean izango da, goizeko 11:00etan, hurrengoko egitarauarekin: Ongi etorria, elkarteari buruzko informazioa, ikasturtearen programazioa, hasiera ofiziala eta luntxa.
"Ohi den bezala, aurten ere oso hizlari adituak parte hartuko dute: historian, zuzenbidean, musikan, ekonomian, zineman, medikuntzan… Klaseak Arrasaten eta Bergaran izango dira, euskaraz edo gaztelaniaz, hauetako hitzaldi batzuk irekiak izango direlarik. Ikastaroak osatzeko kontzertu desberdinak eta irteera kulturalak ere izango ditugu", azaldu du Goienagusik.
