Ohorezko erregionalean liga hasiko dute Mondrak, UDAk eta Aloña Mendik

Xabier Urtzelai 2016ko ira. 8a, 15:22
Amaikak Bateko kapitaina, Beñat Etxabe (UDA) eta Ander Ruiz de Azua (Mondra), Arrasate Hirian. | goiena

Amaitu dira lagunartekoak, jokalari berriak ezagutzeko entrenamendu saioak, eta hasierako hamaikakoak definitzeko zalantzak, Ohorezko Erregionalean hastera doa liga.

Hala, ibarrekoen artean iaz Oñatiko taldeak bakarrik lehiatu behar izan zuen kategoria horretan, baina aurten beste bi bidelagun –eta kontrario– izango ditu, mailaz jaitsi den UDA, eta mailaz igo den Mondra. 

Joan den zapatuan Arrasate Hirian eta Jose Luis Agirreren omenezkoan ikusitakoa eta gero, baliteke UDA orain momentuan pauso bat aurretik egotea, eta normala ere bada, iaztik jokalari askok jarraitzen dutelako taldean. Baina, ligak bakoitza dagokion tokian jarriko du. 

Aloña Mendik etxean 

Aloña Mendi da etxean jokatuko duen ibarreko ordezkari bakarra, Real Unionen kontra, zapatuan 16:30ean. Aretxabaletak eta Mondrak, berriz, kanpoan jokatuko dute lehen jardunaldia. Iñigo Velez de Mendizabalen UDAk Lesakan, Beti gazteren kontra domekan 17:00etan, eta Zubiaren Mondrak Elgoibarren, zapatuan 17:00etan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak