Eusko Legebiltzarrerako Hauteskundeak 2016

Otegi ez da lehendakarigai izango

EH Bilduren Gipuzkoako zerrenda aurkezteko, Donostian, oraingo astean, egindako agerraldia.

Auzitegi Konstituzionalak ez ditu aztertu ere egin EH Bilduren defentsaren alegazioak Arnaldo Otegiren inhabilitazioaren aurka eta atzera bota du helegitea. Honenbestez, berretsi egin du Gipuzkoako Hauteskunde Batzordeak eta Donostiako Administrazioarekiko Auzietako Epaitegiak hartu zuten erabakia. Haiek ere ez zuten aztertu ere egin inhabilitazioaren aurka jarritako helegitea. Hala, EH Bilduren zerrendetatik kanpo geratu da Otegi.

Koalizio ezkerreko eta abertzalearen Gipuzkoako zerrendaburua Maddalen Iriarte kazetaria izango da Eusko Legebiltzarrerako irailaren 25eko hauteskundeetan.

Arnaldo Otegik, bestetik, ezingo luke aurkeztu Eusko Legebiltzarrerako hurrengo hauteskundeetara ere. 2020an egin behar lirateke beranduenera, eta, Espainiako auzitegiek 2021. urtera arte inhabilitatu dute sufragio pasiborako.

Erabakia jakin aurretik, EH Bilduk "ziur aski" Europara joko duela adierazi du eta ez dutela beste lehendakarigairik izendatuko.

"Gaur inoiz baino gehiago, egin irri eta irabaztera!" adierazi du twitterren Otegik, erabakia jakin bezain pronto.

EAJk adierazi du nahiago izango zutela "aurkeztuko" balitz eta "hiritarrek botoarekin" erabakiko balute. Nagua Alba Ahal Duguren idazkari nagusiak esan du "akats politikoa" dela Azuitegi Konstituzionala sartu ez izana sakoneko arazoa aztertzen. Eta Borja Semper PPko Gipuzkoako zerrendaburuak esan du ez zaiola "kosk egin behar" ezker abertzalearen "biktimismoaren" amuari.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.