Eroski Taldeak bidalitako prentsa oharrak gogora ekartzen du “kontsumitzailearen gogo berriak direla-eta” Eroskiren sare komertziala Zurekin eredura berregituratzen dabilela.
Dagoeneko 23 hipermerkatu dira Zurekin eredukoak. Aurten, bi hipermerkatu eraldatu dira Bizkaian (Zalla eta Txurdinaga), lau, Gipuzkoan (Ordizia, Eibar, Urbil eta Urola) eta bat Galizian (Noia). Aurreko urteetan egokituak honako hauek dira: Boulevard, Araban; Abadiño, Artea, Ballonti, Berango, Bilbondo, Gernika eta Leioa, Bizkaian; Castro Urdiales, Kantabrian; Zarautz, Garbera, Tolosa eta Arrasate, Gipuzkoan; Iruñea eta Tutera, Nafarroan; eta Tarragona.
Eroskik aurrera dihardu “belaunaldi berriko denden hedapen planarekin”, bere hitzetan. Zurekin ereduak “aukera askatasun handiagoa” ematen diote kontsumitzaileari, eta freskoetan espezializatuagoak daude. “Gainera, ateak irekitzen dizkiete ingurune hurbilean ekoizten diren produktuei, eta bezeroarekin harreman pertsonalagoa ezartzen dute”, gaineratzen du Elorrioko taldeak.