Iragan denboraldia Hirugarren Mailatik jaitsi ostean, irailaren 18ko astebukaeran ekingo dio denboraldi berriari UDAk. Atzo, eguena, Iñigo Velez de Mendizabal entrenatzaile arabarraren aginduetara ibili ziren aurrenekoz gazteak Andramaixak bukatu zirela aprobetxatuz.
Dagoeneko erregional preferente mailan arituko diren hiru taldeak martxan daude (Aloña Mendi, Mondra eta UDA), eta baita Bergara K.E. ere. Antzuolak abuztuaren 28an ekingo die entrenamenduei.