Goienaren egoitzara sartu eta lau ordenagailu eroan dituzte lapurrek

Eneko Azkarate 2016ko uzt. 18a, 13:56

Lapurretan egin dute Goiena Komunikazio Taldearen egoitzan, Arrasaten. Bart gauean, 23:15ean, egoitzako ateetako bat puskatu eta barrura sartu dira lapurrak. Alarmak salto egin arren, erredakziotik lau ordenagailu eroateko astia izan dute.

Arrasateko udaltzainek herritar baten deia jaso zuten 23:15ak jota zirenean, abisu ematen Goienako egoitzan lapurretan zihardutela. Udaltzainak berehala bertaratu arren, ezin izan zituzten lapurrak atzeman. Santa Barbara aldetik egin zuten ihes.

Bizilagunak egindakoa eskertu gura dugu lerro hauen bidez Goiena Komunikazio Taldeak.

Goienako egoitzaren segurtasun kameretan grabatuta geratu denaren arabera, praka motzekin eta burua estalita ageri diren pertsona bi dira egoitzara sartu eta bertatik ordenagailuak eroan dituztenak.

Ertzaintza lapurreta ikertzen dabil. Goienak, bere aldetik, segurtasun neurriak indartu egin ditu.

Bart 22:15ak arte lanean jardun zuen Goienako lan taldeak. Lapurrak 23:15ak aldera sartu ziren egoitzara.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak