Tourreko atseden egunek etapa askok baino albiste jario handiagoa izaten dute. Hala, taldean jarraituko zuela jakinekoa bazen ere, Trek Segafredok gaur eman du aditzera Markel Irizar ziklista oñatiarrak beste bi urte egingo dituela taldean, Bauke Mollema eta Gregory Rastekin batera. Joaquim Rodriguez ere albiste da, denboraldi amaieran profesional izateari utziko diola adierazi du-eta.
Trek Segafredok emandako oharrak erantzuna izan du Markel Irizarren –eta etxekoen– partetik, bi urte gehiago taldean egoteak sortzen duen poztasunaz mintzatu delako Oñatikoa sare sozialetan. Dena dela, asteak dira taldea eta txirrindularia akordiora iritsi zirela. Hala, datozen bi urteotan bizikleta gainean jarraituko du Tourra lehiatzen dabilen Markel Irizarrek.
Contador, taldekide?
Fabian Cancellarak hutsunea utziko du taldean, eta Trek Segafredo hutsune hori betetzeko lanean dabil. Hala, oraindik zurrumurrua bada ere, baliteke Tourra gaixorik zegoelako utzi behar izan duen Pintoko ziklista izatea Irizarren hurrengo taldekidea. Cancellara eta Contador perfil erabat ezberdineko ziklistak dira, baina biak dira, egun, tropelean erreferente nagusietako bi.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
