Elkartasunak eta kirolak bigarrenez egin dute bat Urkulun, Mundukideren eskutik

Korrikalari guztiak helmugan.

20 talde elkartu dira gaur goizean, Urkulun, Batu taupadara! kanpainaren barruan Mundukidek bigarrenez egin duen kooperatiben arteko lasterketa solidarioan. Iaz baino kirolari gutxiago izan da, baina beste behin giro ezin hobea.

Giro freskoa –eguzkia berotzen hasi aurretik– lasterka jarduteko, lagun giroa korrikalarien artean eta elkartasuna helburu. Halaxe 20 hirukote elkartu dira kooperatiben arteko lasterketan, besteak beste, Ulma, Copreci, Ederlan, Zenbaki, Athlon eta Eguzkigraf kooperatibetako kideak.

Ordu erdian egin dute zazpi kilometroko ibilbidea lehenengo lasterkariek, Markinako Lea-Artibai ikastetxeko irakasleek. Iaz ere eurak izan ziren txapeldunak, eta aurten ere gustura etorri direla aitortu dute. Haren atzetik geratu da Ulmako taldeetako bat (hiru talde osatu dituzte) eta hirugarrena izan da Ederlanekoa.

Talde mistoen artean, ostera, Emunek irabazi du, eta emakumezkoen artean, Copreciko hirukoteak.

Antolatzaileek pozik giro bikaina izan delako Urkulu inguruan, baina onartu dute iazko zenbakietara iritsi ez izanaren pena (28 bikote) eta lasterketa dataz aldatzeko aukera aztertzekotan geratu dira.

Erlazionatuak

Mundukideren kros solidarioa

Aretxabaleta Arrasate

Mundukidek bigarrenez egin duen kooperatiben arteko lasterketa solidarioan 20 hirukotek hartu du parte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.