Espainiako Gorteetarako Hauteskundeak 2016

EAJren aurretik jarri eta Elkarrekin-Ahal Dugu gailendu da Bizkaian

Ubane Madera 2016ko eka. 26a, 23:58

* 2015eko abenduaren 20ko hauteskundeetan, Ezker Batua eta Ahal Dugu ez ziren elkarrekin aurkeztu. Dena dela, konparaketa egiteko, alderdi biek bakarka lortu zituzten emaitzak batu ditugu zutabe bakarrean.

Abenduko joerarekin segi eta Elkarrekin-Ahal Dugu koalizioak lortu du nagusitasuna Bizkaian, jeltzaleek berezkoa izan duten lurraldean. Hala ere, bototan behera egin du koalizio moreak; jakina, lehen lekua galdu duten jeltzaleek ere bai. Gora egin dute, berriz, sozialistek eta PPk.

Honakoak dira datuak: Elkarrekin-Ahal Dugu: 178.605 boto (%28,86); EAJ: 174.874 boto (%28,25); PSE-EE: 86.134 boto (%13,92); PP: 78.536 boto (%12,69); EH Bildu: 67.501 boto (%10,91) eta ondoren dator Ciudadanos, baina alde nabarmenarekin: 20.491 boto (%3,31).