Espainiako Gorteetarako Hauteskundeak 2016

Gipuzkoan, marea morea garaile

Ubane Madera 2016ko eka. 26a, 23:38
* 2015eko abenduaren 20ko hauteskundeetan, Ezker Batua eta Ahal Dugu ez ziren elkarrekin aurkeztu. Dena dela, konparaketa egiteko, alderdi biek bakarka lortu zituzten emaitzak batu ditugu zutabe bakarrean.

Elkarrekin-Ahal Dugu koalizioak eutsi egin dio abenduan eskuratu zuen nagusitasunari Gipuzkoan, eta lehen indarra da, bigarrenarekiko 18.853 botoko aldearekin, eta hirugarren indarrarekiko 34.083 botoko aldearekin. 103.523 boto eskuratu ditu Elkarrekin-Ahal Dugu koalizioak (%28,54). EAJk, berriz, 84.670 (%23,34) eta EH Bilduk, 69.440 boto (%19,14). Hori bai, Gipuzkoatik aurkeztu diren alderdi guztien artean, PP izan da botoak irabazi dituen bakarra, 34.914 botorekin (%9,63). 

Boto-galera orokorraren erantzuleetako bat abstentzioa izan da, bi puntu egin du-eta gora: abenduan %32,60koa izan zen eta orain, berriz, %34,29koa. Gauzak horrela, alderdi nagusiek izan duten boto galera polarizatu egin dela ere esan dezakegu, eta besteak beste, sakabanatu egin dela hainbat alderdi txikiren artean. 

Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak