Edozein modutan, oro har, zazpi puntu jaitsi da botoa ematera joandako herritarren ehunekoa, nahiz eta hori bai, kontuan hartzekoa den ere posta bidez jasotako boto kopurua nabarmen handitu dela, lau puntu inguru, hasierako datuen arabera. Arrasaten, esaterako, abenduan 300 boto jaso ziren postaz, eta gaurko, 1.300. Aurreikuspenen arabera, 22:30erako hauteskundeetako emaitza jakinekoa izango da.
Itxi dituzte hauteslekuak Debagoienean. Hasi eta bukatu, berdin egin du hauteskunde egunak eskualdean: ezusteko barik. Bestalde, 18:00etan emandako parte-hartze datuetatik hauteslekuak itxi bitarte honetan ez da lar handitu botoa ematera azken momentuan joan direnen herritarren kopurua. Arrasaten baina, esaterako, azken minutuetan jende ugari gerturatu da botoa ematera. Duda barik herriko jaiek eragin dute datu horretan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak