"Ilusio handiz" abiatu da Puntaik Punta

Beñardo Kortabarria, Eneka Zankada, Joserra Zubizarreta eta Alex Txikon, Puntaik Punta jaialdiaren irekiera ekitaldian.

Martxan da Mundumira jaialdiaren "ondorio" den Puntaik Punta: "Ilusio handiz antolatu dugu. Aipamen berezia merezi dute gatzagarrek, lehen edizioa beti delako erronkarik zailena eta ondo baino hobeto bete dutelako", adierazi du Mankomunitateko Garapen Ekonomikoko arduradun Joserra Zubizarretak. Lehen ekitaldia Alex Txikonek kultura etxean eman duen hitzaldia izan da; txiki geratu da areto nagusia.

Zubizarretak gatzagarren lana goraipatu du: "Ilusio handiarekin egin dute lan, hainbat ordu sartu dituzte. Uste dut erreferente izan daitezkeela hurrengo edizioetarako". Puntaik Punta jaialdiak Debagoienak naturarekin duen harremana nabarmendu nahi du eta espero dute hurrengo edizioetan herriz herri zabaltzen joatea.

Alex Txikoni eskerrak

Irekiera ekitaldia bertatik bertara jarraitu du Alex Txionek. Izan ere, 19:30ean hasita, hitzaldia eskaini du kultura etxean. Zubizarretak eskerrak eman dizkio bertan egoteagatik. Nanga Parbat (8.126 metro) mendiaren lehenengo neguko irteera izeneko hitzaldian eta proiekzioan txiki geratu da kultura etxea.

(Argazkia: Alex Txikon hitzaldiaren hasieran, goraino bete den kultura etxeko areto nagusian)

Erlazionatuak

Leintz Gatzaga ekitaldiz beteko du Puntaik Punta jaialdiak

Leintz Gatzaga

Mundumiraren ordezko jaialdia izango da Leintz Gatzagan ospatuko duten Puntaik Punta. Ekintzaz beteriko asteburua izango da, bihartik domekara bita...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.