Herri galdeketa

Galdeketako boto aurreratua %5ekoa izan dela azaldu du Erainek

Herritarrak Aramaion botoa ematen. Argazkia: Erain Debagoiena.

Erain Debagoienak boto aurreratuen kontaketa egin du eta eman dituzten datuak izan dira: 2.600 bat boto jasota hasi dute eguna, eskualdean ekainean erroldatutako 16 urtetik gorakoen %5a, hain zuzen. Hori horrela, azaldu dute azken sei hilabetetako lanak "bere fruituak" emango dituela.

Lehenengo orduetako balorazio ona egin dute. 56 mahai 9:00etarako puntuan zabaldu dituztela diote, eta Ferixalekun mahai batek arazo tekniko txiki bat izan duen arren, teknikariek bost minututan konpondu dutela. “Jai giroa ordu txikietatik eta itxaropena azalean”, azaldu dute Eraineko kideek.

Erainek zabaldu duen azken orduko informazioa da –11:30– jendea tantaka baina geratu barik dabilela botoa ematen. "Normaltasun osoa eta giro ona" bailarako mahaietan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.