Igor Tome da erraustegiaren kontrako mobilizazioetan Gipuzkoa plazan astea eman duten oñatiarretako bat: "Erraustegia gelditu gura dugu, baina kontsumo gizarte eredua ere kritikatu gura dugu. Gipuzkoa plaza hartu dugu, baina, hemendik botatzen bagaituzte, beste toki batera joango gara", dio.
Izan ere, segurtasun indarrekin tentsio momentu ugari bizi dituzte, kanpalekua husten ahalegindu baitira behin baino gehiagotan. Atzo, esaterako, bi lagun atxilotu zituen Ertzaintzak, han bildutakoek Gipuzkoa plaza uzteari uko egin ziotelako: "Elkartzeko eskubidearen kontra ari dira, ihinztagailuak ere ipini dituzte gauean", azaldu du Tomek.