Eskubaloiari lotutako ekintzaz betetako astea izango da datorrena, Juan Carlos Elorza zenaren omenez

Juan Carlos Elorza zenaren gaineko solasaldi batez gain, trebakuntza jardunaldiak ere izango dira kultura etxean, hainbat hitzaldiz osatuta

Euskal Eskubaloi Federazioak antolatuta, datorren astean hainbat solasaldi eta hitzaldi izango dira kultura etxean.

Hasteko, ekainaren 7an, Juan Carlos Elorza zena oroitzeko, Gara eta Egin egunkarietan bere lankide izandako kazetariek solasaldi moduko bat eskainiko dute bertara gerturatzen direnekin batera. Juan Carlos Elorzaren ekarria Gara eta Egin egunkarietan izena edukiko du solasaldiak. Kultur etxean izango da, 19:00etan.

Trebakuntza jardunaldiei dagokienez, aurkezpena ekainaren 10ean, egubakoitza, izango da kultura etxean, 16:45ean. Juan Luis Amedillok eta Jose Manuel Ruiz de Cenzanok emango diete hasieran jardunaldiei. Segidan, 17:00etan, Unai Arrietak hitzaldi bat eskainiko du, Entrenatzailea eta lesioen alde psikologikoak izenekoa.

Ekainaren 11 ere bi hauen aurkezpenarekin hasiko da, 9:15ean. Ostean, 9:30ean, Aisialdia eta haurtzaroko okupazio espaziala hitzaldia emango du  Juan Antonio Morenok. Ondoren, Reyes Carrerek beste hitzaldi bat eskainiko du, Haurtzaroko sakontasun defentsiboaren garrantzia. Azkenik, 13:00etan, Haurtzarorako lan proposamena hitzaldia emango dute Miguel Angel Izquierdok, Garikoitz Garagarzak eta Hugo Sanchezek.

Jardunaldi hauetan izena emateko, Federazioko webguneandagoen inprimaki bat bete beharko da. Osi kirolak dendan ere eskuratu ahal izango da informazioa.

Aitor Billar selekzioarekin

Euskadiko eta Egiptoko 21 urtez azpiko selekzioek ekainaren 10ean, egubakoitza, jokatuko duten partidurako deitu dute Aitor Billar jokalari oñatiarra.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.